My Egypt Travel Book “Egypt Days in Land of Pyramids”

မနှစ်က ဒီလိုမျိုးကာလမှာ “ထူးဆန်းခန္ဓာအဖြေရှာ” ကျန်းမာရေးစာအုပ်လေး ထွက်ခဲ့တယ်။

ဒီနှစ်တော့ ခရီးသွားစာအုပ်လေး ထွက်ဖြစ်တယ်။

စာအုပ်နာမည်က 🔺”ပိရမစ်မြေရောက် အီဂျစ်နေ့ရက်များ” 🔺 တဲ့လေ။

အီဂျစ်နိုင်ငံဆီ တစ်ပတ်ကြာ သွားရောက်ခဲ့တဲ့ ခရီးကို ရေးထားတာပါ။

နုမြတ်ရဲ့ တတိယမြောက် လုံးချင်းစာအုပ်လည်းပဲ ဖြစ်ပါတယ်။

ဒီစာအုပ်ထဲမှာ…

🔸 အီဂျစ် နိုင်ငံရဲ့ နာမည်ကျော်နေရာတွေ…

🔸ရှေးအီဂျစ်တို့ရဲ့ ထူးခြားတဲ့ အယူဝါဒနဲ့ ဓလေ့ထုံးစံတွေ…

🔸ခရီးတစ်လျှောက် စိတ်လှုပ်ရှားစရာအတွေ့အကြုံတွေကို…

စိတ်ဝင်စားဖွယ်ကောင်းအောင် ရေးသားထားပါတယ်။

🔹ဒီစာအုပ်ထုတ်ဝေဖြစ်ပုံ🔹

—————————-

နုမြတ်အနေနဲ့ ခရီးသွားစာပေနယ်ထဲ ဝင်ရောက်လာခဲ့တာ “ဂျင်ဆင်းမြေရောက် ကင်(မ်)ချီနေ့ရက်များ” ဆိုတဲ့ ကိုရီးယားခရီးသွားဆောင်းပါးစာအုပ်နဲ့ပါ။ ၂၀၁၀ ကထုတ်ခဲ့တာဆိုတော့ ၁၂ နှစ်ကျော်ခဲ့ပြီပေါ့။ အဲဒီစာအုပ်ပြီးတော့ နောက်ထွက်ခဲ့တဲ့ ခရီးတွေကိုပါ “…နေ့ရက်များ” ခေါင်းစဉ်တပ်ပြီး စီးရီးအနေနဲ့ ဆက်ရေးမယ်ဆိုပြီး စိတ်ကူးထားပေမဲ့ တကယ်တမ်းမရေးဖြစ်ခဲ့ပါဘူး။ နောက်ပိုင်း တခြားအလုပ်တွေနဲ့ရှုပ်နေသလို ခရီးတွေလည်း ဆက်တိုက်ထွက်ဖြစ်နေတော့ စာအုပ်ထုတ်မယ့်ကိန်း ပိုဝေးသွားရောလေ။

စာအုပ်အနေနဲ့ မရေးဖြစ်ခဲ့ပေမယ့် ခရီးသွားဆောင်းပါးတွေ၊ Travel Review တွေကိုတော့ စာနယ်ဇင်း၊ Blog နဲ့ Facebook တို့မှာ အမြဲလိုလိုရေးဖြစ်ပါတယ်။ Youtube မှာလည်း Video တွေ တင်ဖြစ်ပါတယ်။ TV Channel တွေ၊ ရေဒီယိုတွေကနေတစ်ဆင့်လည်း ခရီးသွားဗဟုသုတတွေ Sharing လုပ်ဖြစ်ပါတယ်။

ဘယ်လောက်ပဲ နည်းအမျိုးမျိုးနဲ့ ခရီးသွားဗဟုသုတတွေကို ဝေမျှနေပါစေ။ ခရီးစဉ်တစ်ခုလုံးကို လုံးချင်းစာအုပ်အနေနဲ့ ရေးသားထုတ်ဝေချင်တဲ့ ဆန္ဒကတော့ မလျော့သွားပါဘူး။ ၂၀၂၀ ပြည့်နှစ်မှာ တစ်ကမ္ဘာလုံးလိုလို ကိုဗစ်ဖြစ်ပြီး ခရီးသွားလို့လည်းမရ။ အချိန်ပိုတွေထွက်လာတော့မှ ဒီဆန္ဒကို အကောင်အထည်ဖော်နိုင်ခဲ့တာပါ။

တကယ်တမ်း ဒီစာအုပ်ကို ၂၀၂၁ ဇန်နဝါရီလကတည်းက ရေးပြီးနေတာပါ။ ဒါပေမဲ့လည်း မနှစ်က တစ်နှစ်လုံးလိုလို အများနည်းတူ အလုပ်လုပ်ရတာ စိတ်မပျော်ဘူးဖြစ်နေလို့ ခုမှပဲ ထုတ်ဖြစ်တာပါ။ ရေးထားပြီးသား ဖြစ်နေတော့လည်း တစ်နှစ်တစ်အုပ်တော့ ထွက်အောင် ထုတ်ဖြစ်တာပဲ ဖြစ်ပါတယ်။

🔹ဘာကြောင့် အီဂျစ်အကြောင်းရေးရတာလဲ 🔹

——————————————-

အီဂျစ်နိုင်ငံက နုမြတ်သိပ်စိတ်ဝင်စားခဲ့ရတဲ့နိုင်ငံပါ။ အီဂျစ်နိုင်ငံကို စာအုပ်တွေ၊ ရုပ်ရှင်တွေထဲကနေသာ ထိတွေ့ခွင့်ရခဲ့ပြီး အမြဲအံ့အားသင့်ခဲ့ရတာ။ အီဂျစ်သမိုင်းကြောင်းက ကြီးကျယ်ခမ်းနားတယ်။ သူတို့ရဲ့ အယူတွေ ဓလေ့တွေက ထူးခြားဆန်းပြားတယ်။ ဒါကြောင့်လည်း အီဂျစ်ခရီးစဉ်ကို စာအုပ်အဖြစ်ရေးဖြစ်ခဲ့တာပါ။

အီဂျစ်ဆိုရင် ပိရမစ်ကြီးတွေ၊ မံမီရုပ်အလောင်းတွေ၊ ကလီယိုပက်ထရာ ဘုရင်မနဲ့ ဖာရိုဘုရင်တွေလောက်သာ သိကြပါတယ်။ တကယ်တမ်း အီဂျစ်မှာ တခြား စိတ်ဝင်စားဖို့ကောင်းတဲ့အကြောင်းအရာတွေ အများကြီး ရှိပါသေးတယ်။

နုမြတ်သွားခဲ့တဲ့ အီဂျစ်ခရီးစဉ်တစ်လျှောက်မှာ..

– ကမ္ဘာကျော် ပိရမစ် ကြီးတွေထဲ ဝင်ခွင့်ရခဲ့တယ်…

– ကလီယိုပက်ထရာ ရဲ့ ပုံရိပ်စစ်ကို သိခွင့်ရခဲ့တယ်…

– တူတန်ခမန် ရုပ်အလောင်းကို ကိုယ်တိုင်မြင်ခဲ့ရတယ်…

– ကမ္ဘာ့အရှည်ဆုံးမြစ် နိုင်းမြစ်ပေါ် ညအိပ်သင်္ဘောနဲ့ ခရီးနှင်ခဲ့ရတယ်…

– နှစ်ပေါင်းထောင်ချီသက်တမ်းရှိ သမိုင်းဝင်ကျောင်းဆောင်ကြီးတွေဆီ ရောက်ခဲ့တယ်…

– ဖာရိုဘုရင်၊ ဘုရင်မတွေအကြောင်း ရင်းနှီးခွင့်ရခဲ့တယ်..

– ဘုရင့်တောင်ကြားပေါ် ဖြတ်ပျံပြီး မီးပုံးပျံစီးခဲ့တယ်…

– အီဂျစ်အရုပ်စာတွေ ဘယ်လိုဖတ်လဲ သိခဲ့ရတယ်…

– မံမီရုပ်အလောင်းတွေ ဘယ်လိုဖန်တီးလဲ လေ့လာခဲ့ရတယ်…

– နှစ်ပေါင်း ထောင်ချီကြာတာတောင် ခုထိမွှေးနေဆဲ ရေမွှေးခန်းထဲ ရောက်ခဲ့တယ်…

တကယ့်ကို စိတ်ဝင်စားစရာကောင်းတဲ့ ခရီးစဉ်ပါပဲ။

စာဖတ်သူတွေကိုလည်း အံ့အားသင့်စရာတွေ ပြည့်နေတဲ့ အီဂျစ်နိုင်ငံကို ဒီစာအုပ်ကနေတစ်ဆင့် အလည်ခေါ်သွားချင်ပါတယ်။

ဒါကြောင့် အီဂျစ်နိုင်ငံဆီ တစ်ပတ်ကြာ သွားရောက်ခဲ့တဲ့ခရီးကို နေ့ရက်အလိုက် မှတ်တမ်းတင်ရေးသားပြီး ကိုယ်တွေ့ ခရီးသွားဆောင်းပါးအဖြစ် ထုတ်ဝေလိုက်တာပဲ ဖြစ်ပါတယ်။

🔸စာအုပ်အမည် – “ပိရမစ်မြေရောက် အီဂျစ်နေ့ရက်များ”

🔸စာရေးသူ – ဒေါက်တာနုမြတ်သိင်္ဂီဦး

🔸ဈေးနှုန်း – 8000 ကျပ်

🔸စာမျက်နှာ – ၂၃၀

တစ်အုပ်လုံး ရောင်စုံစာမျက်နှာတွေနဲ့ လှလှပပ ဝေဝေဆာဆာ ဖတ်ရမှာပါ။

စာအုပ်ပါ အကြောင်းအရာတွေသာမက စာအုပ်ဒီဇိုင်းပိုင်း၊ Layout ပိုင်းက အစ ကိုယ်တိုင်ကိုယ်ကျ စိတ်တိုင်းကျ သေချာစီစဉ်ထားလို့ Quality ပိုင်းကိုတော့ စိတ်ချ။

🔹မှာယူချင်တယ်ဆိုရင် 🔹

——————————–

ဒီစာအုပ်ကို ဝယ်ယူချင်ပါက Nu Myat around the World Facebook Page

https://www.facebook.com/numyataroundtheworld/ ရဲ့ Messenger ကနေ မှာယူနိုင်ပါတယ်။

သုတစွယ်စုံစာအုပ်တိုက် – Knowledge Book Center https://www.facebook.com/thutaswesonebook/ ကနေ တစ်ဆင့်လည်း မှာယူနိုင်ပါတယ်။ အဲဒီ Page မှာ နုမြတ်တို့ တိုက်ကထုတ်တဲ့ တခြားခရီးသွားနဲ့ ကျန်းမာရေး စာအုပ်တွေလည်း ရှိတော့ တခြားစာအုပ်တွေပါ အတူမှာလို့ရပါတယ်။

တခြား အွန်လိုင်း Distributor တွေဖြစ်တဲ့ ပန်းဆက်လမ်း၊ Wun Zinn နဲ့ We Distribution တို့ကနေလည်း မှာယူနိုင်ပါတယ်။

Cash on Deli ရော Mobile Banking ရော ရပါတယ်။

#အထူးအစီအစဉ်အဖြစ် မေတ္တာတုံ့ပြန်တဲ့အနေနဲ့

❤️ ဒီစာအုပ်ကို ဒီ Page ကနေ ပထမဆုံးဝယ်ယူသူ အယောက် (၁၀၀) ကို Delivery Fees မယူဘဲ အိမ်တိုင်ရာရောက် အခမဲ့ ပို့ဆောင်ပေးသွားမှာပဲ ဖြစ်ပါတယ်။

❤️ ဒီစာအုပ်နဲ့အတူ မနှစ်ကထုတ်ထားတဲ့ “ထူးဆန်းခန္ဓာအဖြေရှာ” စာအုပ် (၆၀၀၀ ကျပ်) ပါ ဝယ်မယ်ဆိုရင် ၂ အုပ်ပေါင်းကို ၁၀၀၀ ကျပ်လည်း လျှော့ပေးဦးမှာပါ။ ဒီလကုန်ထိပဲနော်။

❤️စာအုပ်မှာ စာရေးသူ လက်မှတ်ထိုးစေချင်ရင် လက်မှတ်ထိုးပေးပါမယ်နော်။

ကိုယ်တိုင်ကိုယ်ကျ ဝယ်ယူလိုသူတွေ အနေနဲ့

စာအုပ်ဖြန့်ချိရာ – စွယ်စုံမီဒီယာဂရု(ပ်) Central Tower ပထမထပ်၊ အနော်ရထာလမ်း (၃၉လမ်းထောင့်) မှာ ရုံးချိန်အတွင်း လာရောက် ဝယ်ယူနိုင်ပါတယ်။

စာအုပ်ဆိုင်တွေအနေနဲ့

ရန်ကုန်မှာဆိုရင် စောဦး၊ နေစေး၊ ကိုလတ်၊ ရာပြည့်၊ ကျော်သိန်း၊ ပါရမီ၊ ခေတ်သစ်၊ အင်းဝ(ပန်းဆိုးတန်း) နဲ့

မန္တလေးမှာဆို ထွန်းဦးစာပေတို့မှာလည်း ဝယ်ယူနိုင်ပါတယ်။

အားလုံးကို ချစ်ခင်လျှက်

#ဒေါက်တာနုမြတ်သိင်္ဂ ီဦး

#ပိရမစ်မြေရောက်အီဂျစ်နေ့ရက်များ

#Egypt