ဩစတြေးလျမှ ရှားပါးတိရစ္ဆာန်လေးများ

Australia နိုင်ငံက ရှားပါးတိရစ္ဆာန်လေးများ
ကမ္ဘာ့နိုင်ငံအသီးသီး၌ နိုင်ငံတော်ကိုယ်စားပြု တိရစ္ဆာန်များ အသီးသီး သတ်မှတ် ထားလေ့ရှိပါ၏။ ဥပမာအားဖြင့်ဆိုရသော် အမေရိကန်နိုင်ငံ၌ သိမ်းငှက်၊ ယူကေနိုင်ငံ၌ ခြသေ့ၤ၊ စပိန်နိုင်ငံ၌ နွားရိုင်း၊ အိန္ဒိယနိုင်ငံ၌ ကျား၊ တရုတ်နိုင်ငံ၌ ပန်ဒါ ဝက်ဝံ၊ ထိုင်းနိုင်ငံ၌ ဆင်၊ ရုရှားနိုင်ငံ၌ ဝက်ဝံ၊ ပေါ်တူဂီနိုင်ငံ၌ ကြက်ဖ၊ သြစတြေးလျနိုင်ငံ၌ သားပိုက်ကောင် စသဖြင့် နိုင်ငံတော်ကိုယ်စားပြု တိရစ္ဆာန်များကို သတ်မှတ်ထား ကြပါ သည်။ ၎င်းတို့အနက် သြစတြေးလျနိုင်ငံ၏ ကိုယ်စားပြုတိရစ်္ဆာန် သားပိုက်ကောင်မှာမူ သြစတြေးလျ၌သာ တွေ့ရသော ရှားပါးသတ္တဝါဖြစ်၍ သြစတြေးလျဟု ပြောလိုက် သည်နှင့် သားပိုက် ကောင်နှင့် တွဲမြင်ကြရသည်အထိ ကျော်ကြားလှပါသည်။

ရင်သွေးငယ်များကို ရင်ဝယ်ပိုက်ထားတတ်ပြီး နောက်ခြေနှစ်ချောင်းကိုသာ သုံး ကာ ခုန်ဆွ ခုန်ဆွဖြင့် သွားလာတတ်သည့် သားပိုက်ကောင်လေးများသည် သြစတြေး လျနိုင်ငံ၏ ယဉ်ကျေးမှုအခန်းကဏ္ဍ၌ အရေးပါသလို နိုင်ငံတော်သင်္ကေတအဖြစ်လည်း သတ်မှတ်ထားကြပါ၏။ အစိုးရရုံးဌာနများ၌ အသုံးပြုသည့် တံဆိပ်များတွင် နိုင်ငံ တော်ငှက် အီမူးငှက်နှင့်အတူ ပုံဖော်ထားသလို အကြွေစေ့များတွင်လည်း သားပိုက် ကောင်ပုံများကို အသုံးပြုလေ့ရှိပါ၏။သားပိုက်ကောင်ကဲ့သို့ ကမ္ဘာကျော်ပြီး အရေးပါ သည့် သြစတြေးလျတိုက်၏ ရှားပါးသတ္တဝါနောက်တစ်မျိုးမှာ ကိုအားလား (Koala) ဝက်ဝံလေးများပင် ဖြစ်သည်။ ဝက်ဝံအမျိုးအစားမဟုတ်သော်လည်း ပုံသဏ္ဌာန် အားဖြင့် ဝက်ဝံလေးများကဲ့သို့ ပုပုလုံးလုံး၊ အမွေးပွပွ၊ ခေါင်းကြီးကြီး၊ နားရွက်ကားကားနှင့် အမြီးမပါသည့် အကောင်လေး များဖြစ်၍ ချစ်စဖွယ်ကောင်းကာ နာမည်ကျော်လှပါသည်။ ကမ္ဘာလှည့်ခရီးသည်များအနေဖြင့် သြစတြေးလျတိုက်သို့ တကူးတကသွားကာ ထို သတ္တ္တဝါလေးများကို ကြည့်လေ့ရှိကြသည်အထိ သြစတြေးလျနိုင်ငံ၏ ခရီးသွားလုပ်ငန်း ကို အထောက်အကူပြုလျက်ရှိနေပါ၏။

ကျွန်မတို့သည်လည်း သြစတြေးလျနိုင်ငံသို့ ရောက်ခဲ့စဉ်က အခြားကမ္ဘာလှည့် ခရီးသည်များနည်းတူ ထိုရှားပါးသတ္တ္တဝါလေးများကို မြင်တွေ့ဖူးလိုသော ဆန္ဒဖြင့် ဘရစ် ဘိန်းမြို့အနီးရှိ လုံပိုင်း (Lone Pine) ကိုအားလားဘေးမဲ့တောတိရစ္ဆာန်ဥယျာဉ်သို့ သွားရောက်လေ့လာဖြစ်ခဲ့ပါ၏။ ဘရစ်ဘိန်းမြို့မှ မိနစ် ၂၀ ကြာ ကားဖြင့် သွား ရောက်နိုင် သည့် ထိုလုံပိုင်းဥယျာဉ်ကို ၁၉၂၇ ခုနှစ်က စတင်ဖွင့်လှစ်ခဲ့ပြီး အကျယ် အဝန်းအားဖြင့် ဧကပေါင်း ၄၄ ဧက ကျယ်ဝန်းသဖြင့် ကမ္ဘာ့သက်တမ်းအရင့်ဆုံးနှင့် အကြီးဆုံးကိုအားလား ဘေးမဲ့တောအဖြစ် သတ်မှတ်ထားကြပါသည်။

ထို့ပြင် ထိုလုံပိုင်းဥယျာဉ်သည် ကမ္ဘာပေါ်၌ ကိုအားလားအကောင်လေးများကို အခမဲ့ ထိတွေ့ကိုင်တွယ်နိုင်သည့်၊ ဖက်၍ ဓာတ်ပုံရိုက်နိုင်သည့် အနည်းငယ်သော တိရစ္ဆာန် ဥယျာဉ်များအနက် တစ်ခုဖြစ်၍လည်း နာမည်ကျော်ခြင်းဖြစ်သည်။ ကိုအားလားအကောင်လေးများကို ထိတွေ့ကိုင်တွယ်ခြင်း၊ ဓာတ်ပုံတွဲရိုက်ခြင်းတို့ကို အခမဲ့ ပြုလုပ်ခွင့်ပေး သော်လည်း မိမိခန္ဓာကိုယ်ပေါ်ကပ်၍ ဖက်ကာ ဓာတ်ပုံရိုက်လိုလျှင်တော့ သြစတြေးလျ ဒေါ်လာ ၂၀ ခန့် အလှူငွေ ထည့်ဝင်ရပါသည်။ကိုအားလားလေးများ၏ အမွေးများသည် နူးညံ့ကာ သစ်ကိုင်းများတွင် တွယ်ထားသကဲ့သို့ ခန္ဓာကိုယ်ကို တွယ်ကပ်ကာ ကွေးကွေး လေးနေတတ်ကြပါသည်။ ချောင်းဆိုးပျောက်ဆေးများတွင် ပါဝင်လေ့ရှိသည့်ယူကလစ် ရွက်များကို စားလေ့ရှိသဖြင့် ခန္ဓာကိုယ်မှာ ချောင်းဆိုးပျောက်ဆေးနံ့ရသကဲ့သို့ ထို အရွက်များ၏ စိတ်ငြိမ်စေသည့် အာနိသင်ကြောင့် အချိန်ပြည့် အိပ်ငိုက်နေကာ တစ်နေ့လျှင် နာရီ ၂၀ ကြာအထိ အိပ်နိုင်သော အကောင်လေးများပင်ဖြစ်သည်။

သားပိုက်ကောင်လေးများကို ထိတွေ့ကိုင်တွယ်ကာ အစာကျွေးလိုသူများအတွက် လည်း သားပိုက်ကောင် အကောင် ၁၃၀ ကျော်ကို လွတ်လပ်စွာ သွားလာခွင့်ပေး ထားသည့် ငါးဧကကျယ်ဝန်းသည့် ဝင်းထဲ ဝင်ရောက်ခွင့်ပေးထားပါ၏။ သားပိုက်ကောင် လေးများသည် နောက်ခြေနှစ်ချောင်းကို သုံးကာ လျင်မြန်သော အရှိန်ဖြင့် ခုန်ဆွ ခုန်ဆွ ပြေးလေ့ရှိကြပါသည်။ ကြွက်သားများဖြင့် သန်မာသော အမြီးရှည်ကြီးများသည် ပဉ်္စမမြောက် ခြေထောက်အနေဖြင့် ခုန်၍ သွားလာလှုပ်ရှားရာ၌ လွယ်ကူအောင် အားပြုပေးပါ၏။ သန်မာလှသော သားပိုက်ကောင်များအနေဖြင့် သူတို့၏ အရပ်ထက် သုံးဆအမြင့်အထိ ခုန်နိုင်ကြောင်း သိရပါသည်။ တစ်ခါတစ်ရံ၌လည်း ခြေလေးချောင်း စလုံး အသုံးပြုကာ ဖြည်းညင်းစွာ သွားလာလှုပ်ရှားသည်ကိုလည်း တွေ့ခဲ့ရပါသည်။ ကံကောင်းသူများဆိုလျှင် ဝမ်းဗိုက်အိတ်ထဲမှ ထိုးထွက်နေသော သားပိုက်ကောင်လေး များကိုပါ တွေ့မြင်နိုင်ကြောင်း သိရသည်။

လုံပိုင်းတိရစ္ဆာန်ဥယျာဉ်၌ ထိုအကောင် လေးများအပြင် သြစတြေးလျ၏ ရှားပါး တိရစ္ဆာန်လေးများဖြစ်ကြသော မြေအောင်းဝက်ဝံ (ျွှသာဘအေ)အကောင်လေးများ၊ ွှေျာညေငညေ ိနလငူျ အသားစားသတ္တဝါများ၊ ပုရွက် ဆိတ်နှင့် ခြများကို စားသည့် နားရွက်ရှည် သြစတြေးလျနို့တိုက်သတ္တဝါများ၊ ဘဲတူဖျံတူ အကောင် လေးများ၊ ရောင်စုံကြက်တူရွေးများ၊ စကားတတ်သည့် ကတ္တဝါငှက်များ၊ အပြေးသန်သော်လည်း မပျံနိုင်သည့် သြစတြေးလျနိုင်ငံ၏ နိုင်ငံတော်ကိုယ်စားပြု နာက ခြေတံရှည်ငှက်ကြီးများ စသဖြင့် တိရစ္ဆာန်မျိုးစုံကို တစ်နေရာတည်း၌ မြင်တွေ့ခဲ့ရပါသည်။

သြစတြေးလျသည် တိုက်သီးသန့်အဖြစ် အခြားတိုက်များနှင့် ကွဲထွက်နေကာ ရေမြေအားဖြင့်လည်း ကွာခြားနေသောကြောင့် ရှားပါးတိရစ္ဆာန်များစွာ ပေါက်ဖွားနေ ထိုင်နေခြင်းဖြစ်ပါ၏။ ထိုတိရစ္ဆာန်လေးများသည် သြစတြေးလျ၏ ခရီးသွားလုပ်ငန်းများ ၌ အရေးပါလျက်ရှိရာ သြစတြေးလျနိုင်ငံသို့ ရောက်ဖြစ်ခဲ့ပါက မဖြစ်မနေ လေ့လာ ကြည့်ရှုသင့်ပါကြောင်း ညွှန်းဆိုလိုက်ရပါသည်။ ဒေါက်တာနုမြတ်သိင်္ဂီဦး